AWS تطلق AWS Emulator لتجربة خدمات AWS على جهازك، وكل سطر فيه كتبته آلاف من وكلاء الذكاء الاصطناعي

يوم 11 نوفمبر 2026 أطلقت AWS برنامج AWS Emulator، تحمّله على جهازك ويشغّل نسخة محلية من خدمات AWS عشان تبني تطبيقك وتجربه بدون ما تدفع على السحابة.

الغريب إن فريق AWS ما كتب ولا راجع أي سطر من الكود. اللي كتبه آلاف من وكلاء الذكاء الاصطناعي مقسّمين على 3 فرق: فريق يكتب اختبارات، وفريق يدوّر الأخطاء، وفريق يصلّحها.

كل تعديل لازم يعدّي بوابة فحص: لازم يشتغل، ويتبع معايير الكود، ويكون آمن، وما يخرّب شي كان شغّال. وفيه عشرات الآلاف من الاختبارات اللي تقارن النتيجة مع AWS الحقيقية.

الفكرة بدأت تجربة في نهاية أسبوع باستخدام Kiro، وصارت منتج. والكود والاختبارات مفتوحة على GitHub برخصة CC0.

ليش يهمك؟ هذا من أوضح الأمثلة على شركة كبيرة تطلق منتج كامل مكتوب بالوكلاء، مع حواجز واضحة تضمن الجودة.