سياسة الخصوصية

وش نجمع؟

نستخدم Vercel Web Analytics عشان نعرف كم زيارة جات للموقع وأي الصفحات تهم الناس. حسب Vercel، هذي الأداة:

• ما تستخدم كوكيز، وتميّز الزيارة بقيمة مشفّرة (hash) من الطلب نفسه، وتنحذف بعد 24 ساعة.
• تسجل لكل زيارة: وقتها، الصفحة، الموقع اللي جيت منه، الدولة والمدينة تقريبًا، نوع الجهاز، ونظام التشغيل والمتصفح.
• البيانات مجمّعة وما تربطها بشخص معيّن ولا بعنوان IP، وما تتابعك بين المواقع.

المصدر: Vercel: الخصوصية في Web Analytics.

وش نحفظ في جهازك؟

إذا غيّرت الوضع (فاتح أو داكن) أو اللغة (عربي أو English)، نحفظ اختيارك في جهازك فقط (localStorage) عشان يتذكره الموقع المرة الجاية. ما ينرسل لنا. وتقدر تمسحه من إعدادات المتصفح.

وش ما نسويه

• ما عندنا نشرة بريدية حاليًا، وما نجمع إيميلات ولا أرقام جوال.
• ما فيه تسجيل دخول ولا حسابات ولا نماذج تعبّيها.
• ما نعرض إعلانات، وما نبيع ولا نشارك بيانات مع أحد.
• الخطوط محمّلة من موقعنا نفسه، مو من خدمات خارجية.

الاستضافة والروابط الخارجية

الموقع مستضاف على Vercel، ومثل أي موقع، سيرفراتها تعالج طلبك عشان توصلك الصفحة، حسب سياسة خصوصية Vercel. ولما تضغط رابط أداة أو مصدر، تنتقل لموقع ثاني له سياسته الخاصة.

إذا تغيّرت السياسة

لو أضفنا شي يجمع بيانات (مثل نشرة بريدية)، بنحدّث هذي الصفحة قبلها ونكتب تاريخ التحديث فوق. وعندك سؤال عن خصوصيتك؟ تواصل معنا.