Cursor: الوكيل صار يتحكم بجهازك، يفتح تطبيقك ويضغط فيه ويجربه بنفسه بعد ما يبرمجه

Cursor، محرر البرمجة بالذكاء الاصطناعي، أعلنت ميزة جديدة اسمها Computer Use (استخدام الكمبيوتر).

قبل: الوكيل يكتب الكود وأنت تجربه. الحين: الوكيل يقدر يضغط ويكتب في أي برنامج على جهازك، مو بس المتصفح.

مثال من Cursor: الوكيل يبني ميزة في تطبيق آيفون، بعدين يفتحه في محاكي الآيفون (iOS Simulator) ويضغط فيه بنفسه يتأكد إنه شغال.

الوكيل يستخدمها لحاله إذا المهمة تحتاجها، أو تطلبها أنت بكتابة @Computer Use في طلبك. وتحتاج تحدّث Cursor لآخر نسخة.

Cursor ما وضحت للحين أي أنظمة أو خطط تشملها الميزة.

ليش يهمك؟ إذا تبني تطبيقات بالـ vibe coding، الوكيل صار يختبر شغله بدل ما يعطيك كود ما جربه. بس انتبه: لا تخليه يشتغل على جهاز فيه ملفات أو حسابات حساسة مفتوحة، وراقب وش يسوي.