Gemini صار يسوي ويعدّل الملفات داخل المحادثة: PDF ومستندات وعروض وجداول وكود، ومتاح للجميع

Google أعلنت إن Gemini صار يقدر يسوي ملفات ويعدلها وأنت داخل المحادثة، بدل ما تنسخ النص وتروح لبرنامج ثاني.

الملفات المدعومة: مستندات، PDF، عروض تقديمية، جداول، وملفات كود.

تقدر تفتح الملف بالشاشة الكاملة وتكتب فيه بنفسك، أو تحدد جزء معين وتطلب من Gemini يغيره.

ملفات PDF تشتغل على الويب والجوال. أما مستندات Google Docs والجداول والعروض وملفات Markdown والنصوص والكود فعلى الويب بس حاليًا.

الميزة متاحة لكل المستخدمين وبكل اللغات اللي يدعمها Gemini، يعني العربي داخل، وحتى الحساب المجاني.

نصيحتنا: جرّبها في الخطابات والسير الذاتية: اطلب من Gemini يسوي لك المسودة، بعدين حدد الفقرة اللي ما عجبتك واطلب تعديلها بس، بدل ما يعيد كتابة كل شيء.