كيف تصغّر حجم الصورة لحجم معيّن؟
- اضغط «اختر الصور» وحدد صورة أو أكثر.
- اختر الحجم المطلوب، أو «حجم ثاني» واكتب الرقم بالكيلو.
- اضغط «صغّر حجم الصور»، ونزّل كل صورة، أو الكل في ملف ZIP.
لرفعها في المنصات الحكومية ومواقع التوظيف
كثير من المنصات الحكومية ومواقع التوظيف والجامعات ترفض الصورة إذا تعدت حجم معيّن، وصور الجوال اليوم توصل 3 إلى 6 ميجا. الأداة تدوّر على أعلى جودة توصل للحجم اللي اخترته، وإذا ما كفى تصغّر الأبعاد شوي. اقرأ شروط المنصة نفسها قبل الرفع: الحد الأقصى، والصيغة (الأداة تطلع JPG)، والأبعاد أو المقاس المطلوب للصورة الشخصية.
كيف نحسب الكيلو والميجا؟
عشان نكون بأمان، «أقل من 1 ميجا» يعني أقل من مليون بايت، و«أقل من 200 كيلو» يعني أقل من 200 ألف بايت. فالصورة تنقبل سواء المنصة تحسب الكيلو 1000 أو 1024 بايت.
أسئلة شائعة
هل ملفاتي تنرفع على الإنترنت؟
لا. الأداة تشتغل داخل متصفحك على جهازك، والملف ما ينرسل لأي خادم، ولا نقدر نشوفه. تقدر تتأكد بنفسك: بعد ما تفتح الصفحة، طفّ النت وجرّب، بتشتغل.
كيف أصغّر حجم الصورة إلى 200 كيلو؟
اختر الصورة، واختر «أقل من 200 كيلو»، واضغط «صغّر حجم الصور». الأداة تعطيك أعلى جودة تحت 200 كيلو، وتعرض الحجم الجديد والأبعاد.
هل أقدر أكتب حجم غير الموجود؟
نعم. اختر «حجم ثاني» واكتب الرقم بالكيلو، مثل 300 أو 50.
وش صيغة الصورة الجديدة؟
JPG، لأنها الأصغر حجمًا والأكثر قبولًا في المنصات. والخلفية الشفافة في PNG تصير بيضاء.
ليش أبعاد الصورة صغرت؟
إذا الحجم المطلوب صغير جدًا، الجودة لحالها ما تكفي، فالأداة تصغّر الأبعاد بالقدر اللازم بس. وتقدر تحدد أقصى عرض بنفسك من «أقصى عرض أو طول».
أقدر أصغّر أكثر من صورة مرة وحدة؟
نعم. اختر كل الصور، وبعد التصغير تقدر تنزّل كل صورة لحالها أو الكل في ملف ZIP.
أدوات ثانية تفيدك: تحويل الصور إلى PDF · تصغير حجم PDF · صانع سيرة ذاتية
آخر تحديث: 22 أكتوبر 2026. إعداد عبدالعزيز بن محمد.