كيف تصغّر حجم ملف PDF من الجوال؟
- اضغط «اختر ملف PDF» واختر الملف من جوالك أو من الملفات.
- اختر مستوى الضغط. «متوسط» يناسب أغلب الملفات.
- إذا المنصة تطلب حجم معيّن، اختر «أقل من 1 ميجا» أو «أقل من 500 كيلو».
- اضغط «صغّر حجم الملف»، وبعدها «تنزيل PDF».
متى تحتاج تصغّر ملف PDF؟
أغلب المنصات الحكومية ومواقع التوظيف والجامعات تحط حد لحجم الملف اللي ترفعه، وكثير منها ما يقبل أكثر من 1 أو 2 ميجا. والملفات اللي تمسحها بالسكانر أو بكاميرا الجوال تطلع كبيرة. الأداة تصغّرها لين تنقبل، وتعرض لك الحجم قبل وبعد. وشيّك دايم على الحد المكتوب في المنصة نفسها.
وش اللي يتغيّر في الملف؟
الصفحات تبقى زي ما هي: النص يبقى نص حقيقي تقدر تنسخه وتبحث فيه، والروابط تشتغل، وعدد الصفحات ومقاسها ما يتغيّر. الأداة تضغط الصور اللي داخل الملف (تخفف دقتها للمستوى اللي تختاره وتحفظها JPG)، وتشيل البيانات الزايدة مثل الصور المصغرة وبقايا التعديلات القديمة، وتضغط باقي محتوى الملف.
عشان كذا التصغير يفرق كثير في الملفات الممسوحة بالسكانر أو بالجوال، والملفات اللي فيها صور كثيرة. أما الملف اللي كله نصوص فغالبًا هو أصلًا خفيف، والأداة بتقولك إذا ما فيه مجال يصغر أكثر. وإذا ما وصلنا للحجم اللي اخترته، نقولك بالضبط كم وصلنا ونعطيك أصغر نسخة.
أسئلة شائعة
هل ملفاتي تنرفع على الإنترنت؟
لا. الأداة تشتغل داخل متصفحك على جهازك، والملف ما ينرسل لأي خادم، ولا نقدر نشوفه. تقدر تتأكد بنفسك: بعد ما تفتح الصفحة، طفّ النت وجرّب، بتشتغل.
كيف أصغّر حجم ملف PDF إلى أقل من 1 ميجا؟
اختر الملف، وتحت «تبيه أصغر من حجم معيّن؟» اختر «أقل من 1 ميجا»، واضغط «صغّر حجم الملف». الأداة تضغط الصور اللي في الملف أكثر وأكثر لين توصل للحجم، وإذا ما وصلت تقولك كم وصلت وتعطيك أصغر نسخة.
ليش الملف ما صغر؟
إذا كان الملف كله نصوص أو صوره مضغوطة من قبل، ما فيه مجال كبير للتصغير، والأداة بتقولك تخليه زي ما هو. التصغير يفرق كثير في الملفات الممسوحة والملفات اللي فيها صور.
هل النص يبقى قابل للنسخ بعد الضغط؟
نعم. الأداة ما تحوّل الصفحات لصور: النص يبقى نص حقيقي تقدر تنسخه وتبحث فيه، والروابط تشتغل. اللي يتغيّر هو الصور اللي داخل الملف بس، تنضغط على حسب المستوى اللي تختاره.
هل فيه حد لعدد الصفحات أو حجم الملف؟
ما فيه حد ثابت، بس الملفات الكبيرة جدًا (مئات الصفحات) تاخذ وقت على الجوال وتستهلك ذاكرة. إذا علق، قسّم الملف وجرّب.
الملف محمي بكلمة سر، أقدر أضغطه؟
لا. افتح الملف بكلمة السر واحفظ نسخة بدون حماية أول، وبعدين جرّب.
أدوات ثانية تفيدك: دمج ملفات PDF · تصغير حجم الصور · صانع سيرة ذاتية
آخر تحديث: 22 أكتوبر 2026. إعداد عبدالعزيز بن محمد.